Ինչ փորձություններ են սպասում քաղաքացիներին Նորքում (տեսանյութ)
Երևանի Նորք թաղամասի բնակիչները քաղաքի այլ հատվածներ հասնելու համար ստիպված են դժարություններ կրել։ Երթևեկության միակ մատչելի միջոցը դեպի Մասիվ գնացող 26-րդ երթուղայինն է, որից օգտվելը հեշտ գործերից չէ։ «Ժամերով սպասում ենք, մինչև գնում-գալիս է, մանավանդ ժամը վեցից հետո ավելի է վատանում, այստեղից քաղաք գնալու համար գնում ես խաչմերուկ և ուրիշ տրանսպորտով գնում, իսկ տուն գալիս ընդհանրապես չենք կարողանում գալ»,- ասում է նորքեցիներից մեկը։ Մեկ ուրիշն էլ նշում է. «Տրանսպորտը շատ վատ է աշխատում, առավոտները գնալ չի լինում, ժողովուրդը մնում է, այստեղից իջնողները չեն կարողանում նստել, սպասում են՝ մինչ հարևաններից մեկը կտանի»։ Երկուսից երեք կիլոմետր ճանապարհ ընդգրկող Նորքի Գևորգ Հովսեփյան, Նորք, 2-րդ նրբանցք փողոցների բնակչներին սպասարկող 26-րդ երթուղային բարձրանալ հաջողելու դեպքում քաղաքացիներին նոր փորձություններ են սպասվում։ «Պռեսս, իրար գլխի նստած, հավաքված, մի կերպ պպզած, եսիմ ոնց, ինչ վիճակ է տրանսպորտում»,- պատկերավոր նկարագրում է նորքեցին։ Տրանպորտի խնդիրը նորքեցիներին տանջող միակ հարցը չէ։ Ամեն ձյան գալու հետ փողոցները դառնում են դժվարանցանելի, տարածքն անբավարար է սպասարկվում։ Չհեռացված ձյունը հալվում է, անբարեկարգությամբ աչքի ընկնող փողոցներում ջրափոսեր են առաջանում։ Այստեղով հնարավոր է լինում քայլել միայն այս ու այն կողմ ցատկոտելու դեպքում։ Իսկ դպրոց գնացող երեխաներն ամեն օր ստիպված են անցնել դրանց միջով։ Իրավիճակի մասին Երևանի քաղաքապետարանից խոստացան արձագանքել։ Մանրամասները՝ տեսանյութով