A
A
Երևանում գինու համտես-տոնավաճառ է. արտադրողները դժգոհ են՝ շարժ չկա
Հյուսիսային պողոտայում գինու համտես-տոնավաճառ է, որն ուղեկցվում է հայկական երաժշտությամբ։
Առանձնացված են կրպակներ, որտեղ ներկայացված են հայկական արտադրության գինիներ։ Անցորդները հնարավորություն ունեն պանրով համտեսելու եւ գնելու հայրենական արտադրանքի գինիներ։
Հետաքրքրությունը մեծ է հատկապես զբոսաշրջիկների կողմից։
Ընկերություններից մեկն անգամ ներկայացնում է հայկական արտադրանքի մուրաբաներ, հյութեր, գինու թեյ։
Հանրահայտ Արենի տեսակի գինին եւս ներկայացված է. վաճառողներն ասում են՝ շարժ չկա. «Տնական Արենին էսօր լավ չի վաճառվում։ Մարդ չկա, որ գնի։ Սա էլ կենտրոն է»,-ասում են ներկայացնողները։
Գինու համտես-տոնավաճառը երկու օր է՝ նոյեմբերի 28-ին եւ 29-ին։
