A
A
«Մեզ հակասահմանադրական հանրաքվե պետք չէ». Պարույր Հայրիկյան (տեսանյութ)
Քիչ առաջ Ազատության հրապարակում տեղի ունեցավ ԱԻՄ առաջնորդ Պարույր Հայրիկյանի կազմակերպած հանրահավաքն ընդդեմ սահմանդրական փոփոխությունների: Հանրահավաքին մասնակցում էր 15-20 հոգի: Իր ելույթի ընթացքում նա շեշտեց, որ սահմանադրական փոփոխությունները հակասահմանադրական գործընթաց է, որը պետք է անհապաղ դադարեցնել: Նա կոչ արեց բոլոր քաղաքացիներին դեկտեմբերի 6-ին դեմ քվեարկել իր համոզմամբ՝ իշխանության վերատադրությանը նպաստող փաստաթղթին: Այս համատեքստում Պարույր Հայրիկյանը հիշատակեց նաև առաջին նախագահ Լևոն Տեր-Պետրոսյանի երեկվա հոդվածը, որտեղ նա ևս խոսում է սահմանադրական փոփոխություններին դեմ լինելու մասին: Հանրահավաքից հետո հավաքվածները երթով շարժվեցին դեպի Բաղրամյան 26: Այնտեղից կրկին վերադառնալով՝ Ազատության հրապարակ: