A
A
Անդրանիկ Կարապետյանը փոքր բրոնզե մեդալ նվաճեց
Հյուսթոնում ընթացող ծանրամարտի աշխարհի առաջնությունում Հայաստանի ծանրորդներն առայժմ մեկ մեդալ են նվաճել: Այս գիշեր կայացած 77 կգ քաշային ծանրորդների մրցապայքարում մեր ներկայացուցիչ Անդրանիկ Կարապետյանը պոկում վարժությունում ցույց տվեց 167 կգ արդյունք եւ գրավեց 3-րդ տեղը՝ նվաճելով փոքր բրոնզե մեդալ: Հրում վարժությունում նա բարձրացրեց 196 կգ ծանրաձողը եւ երկամարտի 363 կգ արդյունքով գրավեց 4-րդ հորիզոնականը՝ եգիպտացի Մոհամեդ Իհաբիին զիջելով բրոնզե մեդալը անձնական քաշով: Այս քաշային կարգում հանդես եկած մեր մյուս մարզիկը, աշխարհի նախկին չեմպիոն Տիգրան Մարտիրոսյանը, պոկում վարժությունում չկարողացավ բարձրացնել 163 կգ ծանրաձողը եւ զրո ստացավ: