ՖԱՖ-ն իր նախորդ երեք պահանջներին ավելացրել է ևս երկուսը (տեսանյութ)
Հայկական առաջին ճակատ ՖԱՖ շարժումն այսօր երթ կազմակերպեց դեպի ՀՀ ֆուտբոլի ֆեդերացիա, իր երեք պահանջներին ավելացնելով ևս երկուսը։
Հիշեցնենք, որ նրանք պահաջում էին որ Հայաստանի ֆուտբոլի հավաքականը ունենա փորձառու գլխավոր մարզիչ։ Երկրորդը՝ ազգային թիմ հրավիրվեն ֆուտբոլիստներ՝ առանց ավելորդ հավակնոտության և երրորդ՝ ՀՀ ֆուտբոլի նախագահի հրաժարականը։
Այսօր ակցիայի մասնակիցները պահաջում են նաև ՀՀ ֆուտբոլի ֆեդերացիայի գործադիր կոմիտեի կազմալուծումն ու տոմսերի էժանացումը։
ՖԱՖ երկրպագուներն այսօր ցանկացան ցուցապաստառներ ամրացնել ֆուտբոլի ֆեդերացիայի դարպասներին, սակայն ոստիկանները դա թույլ չտվեցին։
Այդ հարցում եղել է թեթևակի ընդհարում ոստիկանների և ակցիայի մասնակիցների միջև։
Երևանի փոխոստիկանապետ Վալերի Օսիպյանը ֆուտբոլասերներին կոչ արեց չօգտագործել հրավառ, պայթուցիկ նյութեր և ցույցն անցկացնել խաղաղ։
ՖԱՖ-ի երկրպագուներն այս պահին գտնվում են ՀՀ ֆուտբոլի ֆեդերացիայի շենքի դիմաց և հայտարարում են, որ կմնան այդտեղ այնքան ժամանակ, մինչև չստանան իրենց հարցերի պատասխանները։
