Սերժ Սարգսյանի ընտանիքի չմուծած հարկերի մասին լուրը կառավարությունը չի ճշտի (տեսանյութ)
ԱԺ նիստում կառավարության հարցուպատասխանի ժամանակ Նիկոլ Փաշինյանը հարց ուղղեց Կառավարությանը՝ հորդորելով զբաղվել օդում կախված մի շարք լուրերով. «Տարիներ ի վեր շարունակվում են օդում կախված լինել լուրերը Սերժ Սարգսյանի ընտանիքի անդամների չմուծած հարկերի մասին, ինչպես նաեւ այն մասին, թե հեռուստատեսային գովազդը տնօրինում է Սերժ Սարգսյանի փեսա Միքայել Մինասյանը: Ավելին, ասվում է, որ փողի կեսը պատկանում է նրան: Նաեւ խոսվում է այն մասին, որ Սերժ Սարգսյանի եղբայր Ալեքսանդր Սարգսյանը, որը հայտնի է Սաշիկ սարսափազդու անունով, 50 տոկոս փայ է մտնում բոլոր այն ռեստորաններում, արտադրամասերում, որոնք իրեն դուր են գալիս: Հորդորում եմ վարչապետին՝ մինչեւ վերջ ստուգել լուրերի իսկությունը եւ բաց ներկայացել բոլորին: Ինչքա՞ն ժամանակում Կառավարությունը կճշտի լուրերը»: Հարցին պատասխանեց Կառավարության աշխատակազմի ղեկավար Դավիթ Հարությունյանը՝ նշելով. «Չստուգված լուրերը պահեք ձեր մեջ, իսկ եթե փաստեր ունեք, ապա դիմեք իրավապահ մարմիններին: Նման առաջարկություն կառավարությունը չի ընդունում»: