A
A
Ֆրանսիան ջախջախեց Հայաստանին
Հայաստանի ֆուտբոլի հավաքականը քիչ առաջ Նիսում ավարտված ընկերական խաղում պարտվեց Ֆրանսիայի ազգային թիմին: Առաջին խաղակեսում դաշտի տերերին հաջողվեց խփել միայն մեկ գոլ: 35-րդ րոպեին աչքի ընկավ Անտոնի Գրիզմանը: Ընդմիջումից 10 րոպե անց հաշիվը կրկնապատկեց Յոհան Կաբայը, իսկ 77-րդ եւ 79-րդ րոպեներին դուբլի հեղինակ դարձավ Մադրիդի «Ռեալի» հարձակվող Քարիմ Բենզեման: Այդպիսով, Հայաստանի հավաքականը 0:4 խոշոր հաշվով պարտվեց Ֆրանսիայի ընտրանուն, որը ընկերական խաղերի օգնությամբ պատրաստվում է իր մոտ անցկացվելիք Եվրոպայի 2016 թվականի առաջնության եզրափակիչ փուլին: Ի դեպ, հանդիպման կազմակերպիչները հաճելի անակնկալ էին պատրաստել հյուրերի համար. խաղի սկիզբը խորհրդանշական հարվածով սկսեց նախկինում ֆրանսահայ մրցավար Միշել Քիթաբջյանը:
