Օրական 300-400 զույգ գուլպա. եզակի արտադրություն՝ Սյունիքի մարզում (տեսանյութ)
Սաթենիկ Մալինցյանի գուլպաները հայտնի են ոչ միայն Քարահունջ գյուղում, այլև ամբողջ Գորիսի տարածաշրջանում։ People in need կազմակերպության հայաստանյան ներկայացուցչության տրամադրած դրամաշնորհի միջոցով ընտանիքը հիմնել է սեփական բիզնեսը։ «Եթե միջոցներս ների, մի քիչ արտադրամասը մեծացնենք, աշխատեղեր կունենանք»,-նշում է նա։ Բիզնեսի հիմնադրման մեկ տարին սեպտեմբերին կլրանա։ Գուլպաներն իրացնում են հիմնականում մոտակա գյուղերում, բաժանում խանութներին։ 4 հաստոցով օրական 300-ից 400 զույգ գուլպա են արտադրում։ Բայց եկամուտը դեռ մեծ չէ, և ընտանիքի բարվոք պայմաններն ապահովելու համար տիկին Սաթենիկի ամուսինը մեկնել է արտագնա աշխատանքի ՝ Ռուսաստան։ «Եթե մի քիչ ընդլայնվի, ամուսինս էլ կգա արտերկրից, կաշխատենք»,-ասում է նա։ 80 տոկոսանոց բամբակյա գուլպանների գինն ընդամենը 200 դրամ է։ Մանրամասները՝ տեսանյութում
