Ստամբուլում հնչել է Տիգրան Մանսուրյանի նոր ստեղծագործությունը
Նշանավոր հայ երգահան Տիգրան Մանսուրյանն օրերս է վերադարձել Ստամբուլից, որտեղ ներկա է եղել երաժշտական միջազգային փառատոնի:
Միջոցառման ընթացքում աշխարհահռչակ հայ ալտահարուհի Քիմ Քաշքաշյանի եւ դաշնակահար Պիտեր Նեկիի կատարմամբ՝ Ստամբուլի Գում Գաբու թաղամասի Սուրբ Որդվոց Որոտման Հայ առաքելական եկեղեցում հնչել է Տիգրան Մանսուրյանի նոր ստեղծագործությունը` նվիրված Կոմիտասին: Ներկաների կողմից հայ մեծ երաժշտահանի նոր ստեղծագործության համաշխարհային պրեմիերան ընդունվել է մեծ հիացմունքով, թուրքական թերթերը գրել են Տիգրան Մանսուրյանի նոր սոնատի կատարման մասին՝ նշելով, որ իր ստեղծագործություններով աշխարհի բազմաթիվ երկրների բեմեր նվաճած 76-ամյա հայ երաժիշտը իր սոնատի ստամբուլյան կատարման առիթով առաջին անգամ է Թուրքիայում:
Լուսանկարները` Ստամբուլի ԺԱՄԱՆԱԿ օրաթերթի
