Իրազեկման ավտոերթ՝ էլեկտրաէներգիայի թանկացման դեմ
Մայիսի 23-ին՝ ժամը 17։00-ին Հրազդան մարզադաշտի մերձակա տարածքից կմեկնարկի իրազեկման ավտոերթ՝ էլեկտրաէներգիայի թանկացման դեմ մայիսի 27-ին տեղի ունենալիք մեծ երթի մասին։ Այս մասին Ա1+-ի հետ զրույցում տեղեկացրեց «Ոչ թալանին» նախաձեռնության անդամ Մաքս Սարգսյանը։ Վերջինս նշեց, որ իրազեկման ավտոերթի նպատակը էլեկտրաէներգիայի թանկացման դեմ տեղի ունենալիք մեծ երթի մասին իրազեկումն է։ Ավտոերթը կանցկացվի հետևյալ երթուղով՝ Հաղթանակի կամուրջ-Մաշտոցի պողոտա-Ամիրյան-Մաշտոց-Բաղրամյան-Կոմիտաս-Դավիթ Անհաղթ-Ռուբինյանց-Գայի պողոտա-Հեռուստաաշտարակից դեպի Էրեբունի-Արցախի պողոտա-Վստրեչից դեպի Հայրենիք-Գարեգին Նժդեհի հրապարակ-Բագրատունյաց-Մալաթիա-Լենինգրադյան-Հալաբյան-Դավթաշեն։ «Ոչ թալանին» նախաձեռնության անդամները հրավիրվում են բոլոր քաղաքացիներին՝ մասնակցելու իրազեկման ավտոերթին։ Կազմակերպիչները սեփական ավտոմեքենա ունեցող քաղաքացիներին հորդորում են ավտոերթին միանալ դրանցով։
