Բացել լրահոսը Փակել լրահոսը
A A

Իրավաբանական խորհրդատվություն տաքսիստին եւ կնոջը, որ հանկարծ մնաց անտուն (տեսանյութ)

Կարևոր լուրեր Հասարակություն
401fd54de11f4d6cbff7372f2006d9ff

Դատական քաշքշուկներն են դարձել պատճառ, որ քաղաքացիները դիմեն հանրային պաշտպանի գրասենյակ՝ անվճար իրավաբանական օգնություն ստանալու նպատակով։ Այս կերպ նրանք փորձում են տեղեկանալ իրենց իրավունքներին։ «Ակտ ա եկել վրես, որտեղ որ ես ճիշտ եմ, կարմիր գծանշված տեղում կանգառ եմ արել ՝ պասաժիր եմ սպասել ու դրա համար ինձ ակտավորել են, բայց ես կարմիր գծի փողը մուծել եմ ու պլյուս դրան մի հատ էլ նորից իմ ակտը ճանապարհային ոստիկանությունից ա եկել, գնացել բողոքել եմ»,-«Ա1+»-ի հետ զրույցում նշում է տաքսու վարորդ Արմեն Աղաբաբյանը։ Իսկ ուսուցչուհի Լիանա Պետրոսյանը իր բնակարանը կորցնելու խնդրի առաջ է։ Պնդում է՝ նոտարի սխալի պատճառով։ «2011թ-ին մայրս ՝ չգիտեմ ոնց, չի հասկացել, դե ինքը սկլեռոզ հիվանդություն ունի, բնակարանը առանց ինձ հարցնելու նվիրատվություն ա արել։ Այսինքն` ես այդ տանը 40 տարի ա բնակվում եմ, և սեփականաշնորհմանը մասնակցել եմ և այդ տանը գրանցված եմ և հանկարծակի ես մնում եմ առանց իմ բնակարանի»,-ասում է նա։ Հայաստանի փաստաբանների պալատի ու փաստաբանական դպրոցի համատեղ նախաձեռնությամբ յուրաքանչյուր հինգշաբթի բազմաթիվ քաղաքացիներ հանրային պաշտպանի գրասենյակի միջոցով ստանում են անվճար իրավաբանական խորհրդատվություն։ Նախաձեռնությունն իրականացվում է այս տարվա մարտ ամսից սկսած։ «Այս խորհրդատվությունը տրամադրում ենք անկախ մարդկանց սոցիալական դիրքից, անկախ այն հանգամանքից ՀՀ քաղաքացի են, թե ոչ, ունեն ժամանակավոր կացություն, քաղաքացիություն չունեցող անձ են և այլն, այսինքն` մարդիկ գալիս են ուղղակի գրանցվում են և ստանում են անհրաժեշտ խորհրդատվություն: Իրավաբանական օգնություն ստանում են և քաղաքացիական գործերով, և վարչական,և քրեական, և սահմանադրական գործերով»,-մեզ հետ զրույցում տեղեկացնում է տիկին Առուստամյանը: Անվճար իրավաբանական օգնությունը կարող է լինել ոչ միայն բանավոր,այլև առանձին դեպքերում գրավոր՝ դիմումների, բողոքների և հայցադիմումների կազմում: Նախաձեռնությունն անժամկետ է։ Առաջիկայում նախատեսվում է իրավաբանական օգնության ծրագիրը ներդնել նաև մարզերում։ Մանրամասները՝ տեսանյութով