Երեւանում երթ է մեկնարկել (տեսանյութ)
«Մենք ենք տերը մեր երկրի»,«Ազատություն» վանկարկումներով, ֆիդայական երգեր հնչեցնելով Ազատության հրապարակից մեկնարկել է Հիմնադիր խորհրդարանի երթը։ Հենց մեկնարկից ոստիկանության հետ անհամաձայնության պահ ստեղծվեց: Ոստիկանները պահանջում էին մի գծով քայլել, իսկ այդ պարագայում անհնար էր պլակատներն ամբողջությամբ պարզած քայլել։ Երթի իրազեկումը քաղաքապետրանի կողմից ընդունված է ի գիտություն։ Իսկ հանրահավաքի ժամանակ հայտարարվեց, որ չնայած «100-ամյակն առանց ռեժիմի» շարժման առաջնորդները անազատության մեջ են ապրիլի 7-ից , միեւնույն է ապրիլի 24-ին, ժամը 18-ին Էրեբունի թանգարանի մոտ հրավիրված հավաքը կայանալու է։ Ի դեպ, հանրահավաքի ժամանակ ազգագրագետ Հրանուշ Խառատյանը կասկած հայտնեց, որ իշխանությունները ինչ-որ բան են ծրագրել հասարակության դեմ, եւ պետք է կանխել այդ։ Նրա համար անհասկանալի էю ինչու է ապրիլի 24-ին մինչեւ ժամը 13-ը արգելվել մարդկանց հոսքը Ծիծեռնակաբերդ։ Հանրահավաքին մասնակցում էր նաեւ ԱԻՆ առաջնորդ Պարույր Հայրիկյանը,որն իր աջակցությունը հայտնեց Հիմնադիր խորհրդարանին։