A
A
Գաբրիել Սարգսյանը հավասարվեց առաջատարներին
Հայաստանի շախմատի տղամարդկանց հավաքականի անդամ Գաբրիել Սարգսյանը շարունակում է հաջող հանդես գալ Երուսաղեմում ընթացող Եվրոպայի անհատական առաջնությունում: Մեր շախմատիստը 6-րդ տուրում սպիտակներով գեղեցիկ ոճով հաղթեց լեհ Ռոբերտ Կեմպինսկուն եւ վաստակեց 5 միավոր: Նա այժմ երեք մասնակիցների հետ բաժանում է առաջին հորիզոնականը: Մեր մյուս շախմատիստներից այս տուրում հաջող հանդես եկավ նաեւ Սամվել Տեր-Սահակյանը, որը սեւերով հաղթեց ադրբեջանցի Մահմուտովին: Նա վստակեց 4 միավոր եւ հավասարվեց իր ավագ խաղընկերներին՝ Վլադիմիր Հակոբյանին, Զավեն Անդրիասյանին: Նույնպիսի արդյունք ունի նաեւ առաջին կարգային Արման Միքայելյանը: