«Դեմ եմ»-ը դատապարտում է
Հայտարարություն Սույն թվականի նոյեմբերի 27-ին հրկիզվել են ՀՀ քաղաքական ակտիվ գործունեություն ծավալող մի շարք ՀՀ քաղաքացիների ավտոմեքենաներ, ինչպես նաև տեղի է ունեցել հարձակում ՀՀ քաղաքացի Գևորգ Սաֆարյանի վրա, որի հետևանքով նա ստացել է ծանր մարմնական վնասվածք: Վերոհիշյալ քաղաքացիների մեծ մասը հանդիսանում են Նախախորհրդարանի անդամներ: «Դ!ԵՄ ԵՄ» Թիմը խստորեն դատապարտում է տեղի ունեցածը, այն որակելով որպես ահաբեկչական գործողություն ոչ միայն Նախախորհրդարանի, այլ նաև ՀՀ բոլոր քաղաքացիների նկատմամբ: Նման նախադեպերը խիստ վտանգում են ՀՀ պետական անվտանգությունը, կոպտորեն ոտնահարում են քաղաքացիների հիմնարար իրավունքները, ինչպես նաև հղի են անկանխատեսելի հետևանքներով: Կոչ ենք անում ՀՀ Ազգային անվտանգության ծառայությանը, ՀՀ ոստիկանությանն ու այլ պատկան մարմինների շուտափույթ կերպով նախաձեռնել բոլոր անհրաժեշտ միջոցառումները, ձերբակալել հանցախմբի բոլոր անդամներին ու նրանց պատվիրատուներին և ենթարկել պատասխանատվության՝ օրենքի ամբողջ խստությամբ:
