Գիշերը Երեւանում մեքենաներ են հրկիզել
Քիչ անց ոստիկանության շենքի մոտ տեղի կունենա մամուլի ասուլիս։
«100-ամյակը առանց ռեժիմի շարժումը հայտարարություն է տարածել.
«Վերջին 24 ժամվա ընթացքում հրկիզել են Հիմնադիր խորհրդարանի պատգամավորության թեկնածուներ Շահեն Պողոսյանի, Վարդան Հակոբյանի, Վարուժան Ավետիսյանի և Սուսաննա Մելքոնյանի ավտոմեքենաները, ինչպես նաև փորձել են հրկիզել Հիմնադիր խորհրդարանի պատգամավորության թեկնածու Կարո Եղնուկյանի ավտոմեքենան: Այս բոլոր ավտոմեքենաներին վերաբերող ընդհանուր հանգամանքն այն է, որ դրանք մասնակցել են «100-ամյակը առանց ռեժիմի» իրազեկման ավտոերթերին: Այս դեպքերի առթիվ Շարժումը կազմակերպում է մամուլի ասուլիս, որի ընթացքում կտեղեկացնի իր դիրքորոշման և մանրամասների վերաբերյալ: Ասուլիսը տեղի կունենա այսօր, նոյեմբերի 27-ին, ժամը 14:00-ին, ՀՀ Ոստիկանության շենքի մոտ»:
