Չկա տեղեկատվություն ջրամատակարարման վերականգման կոնկրետ ժամի մասին
«Երևան Ջուր» ՓԲԸ Հանրային կապերի ծառայությունը ներկայացրել է ընկերության 2014թ. հոկտեմբերին գործունեության արդյունքները։ Ըստ հաղորդագրության՝ հոկտեմբերին Երևանում 23,5-24,0 ժամ ջուր է ունեցել սպառողների 71%-ը, 17-23,5 ժամ՝ 26%-ը, իսկ 12-17 ժամ՝ 3%-ը: «Երևան Ջուր» ՓԲԸ ջրի լաբորատորիայի կողմից համակարգի հանգուցային կետերից վերցված 1545 փորձանմուշի ստուգման արդյունքները ցույց են տվել, որ սպառողներին մատակարարված ջրի որակը համապատասխանել է գործող սանիտարական նորմերին եւ կանոններին: Համակարգում շարունակվել է ջրի սպառման ծավալների վերահսկման եւ հաշվառման գործընթացը: Բաժանորդների քանակը հաշվետու ամսին ավելացել է 400-ով և կազմել 357 602: Ջրի վաճառքը նախորդ տարվա հոկտեմբերի համեմատ ավելացել է 183 հազար մ3-ով, իսկ ջրի միջին ծախսը մեկ բաժանորդի հաշվով՝ 0,5 մ3-ով եւ կազմել է 13,3 մ3: Կազմվել է ջրի օգտագործման կանոնների խախտման 237 տարաբնույթ ակտ, որից 20-ը՝ ապօրինի ջրագծի հայտնաբերման վերաբերյալ:
Հիմնական ցուցանիշներ | 2008թ.հոկտեմբեր | 2013թ.հոկտեմբեր | 2014թ.հոկտեմբեր | 2014թ. հոկտեմբերը 2013թ. հոկտեմբերի համեմատ /+- |
Աղբյուրներից վերցված ջրաքանակ` լիտր/վայրկյան | 11822 | 8894 | 8462 | -432 /2008թ. հոկտեմբերից` -3360/ |
Էլեկտրաէներգիայի օրական սպառում` կՎտժ | 323 000 | 51 000 | 38 000 | -13000 /2008թ. հոկտեմբերից` -285000/ |
Ջրամատակարարման շարունակականություն`% | 78,5 | 96,3 | 96,5 | + 0.2% կետ /2008թ. հոկտեմբերից`+ 18% կետ |
Ի դեպ, ընկերությունը տեղեկացնում է ջրամատակարման դադարների մասին, սակայն սպառողի համար հասանելի որեւէ տեղ չի ֆիքսվում դրա վերականգման վերաբերյալ տեղեկատվությունը։ Այդ տեղեկատվությունը ընկերության կայքում շատ դժվար է գտնել։ Ըստ սպառողների՝ այս պարագայում շատ դժվար է լինում ապացուցել, որ ջրամատակարման դադարը նախատեսվածից երկար է եղել։