A
A
Գյուղապետի պաշտոնը՝ մի եղբորից մյուսին
Կոտայքի մարզի Հանքավան համայնքում կիրակի գյուղապետ են ընտրել։ Արտահերթ ընտրություններում հաղթել է Շահեն Հակոբյանը։ Նա միակ թեկնածուն էր։ Ընտրելու իրավունք ունեցող 92 անձանցից քվեարկությանը մասնակցել է 49-ը։ Ըստ ԿԸՀ-ի՝ նրանք բոլորն էլ իրենց ձայնը տվել են Շահեն Հակոբյանին։ Վերջինս ոչ միայն գյուղապետի տեղակալն էր, այլ նաեւ նախկին գյուղապետի եղբայրը։ Նախկին գյուղապետը՝ Հակոբ Հակոբյանը, առողջական խնդիրների պատճառով էր հրաժարական տվել:
