Վարպետության դաս՝ հակասրճարանում (տեսանյութ)
Էօն հակասրճարանում «ՌեԱնիմանիայի» շրջանակներում վարպետության դասընթաց անցկացրեց ամերիկյան լայկա ստուդիայի բրենդինգի մասնագետ Մարկ Շապիրոն։ Նա շատ մանրակրկիտ պատմեց տիկնիկային մուլտֆիլմի ստեղծման ընթացքի մասին. սցենար, ձայնագրություն, հետո նոր կոմպյուտերային դիզայն։ Ծանոթացնել աշխարհի լավագույն անիմացիոն աշխատանքներին, կրթել միջազգային մակարդակի անիմատորների նոր սերունդ Հայաստանում, և հնարավորություն ստեղծել նրանց աշխատանքները ներկայացնելու միջազգային շուկայում՝ սա «ՌեԱնիմանիայի» առաքելություն է, ըստ կազմակերպիչների։ Այ օրինակ, Շապիրոյի խոսքով, մեկ ֆիլմի վրա շուրջ 400 մարդ է աշխատում։ 2-2,5 տարի էլ ինչ համեմատություն կարելի է անցկացնել։ Այն ամենը տեխնոլոգիաների մասին, որ ներկայացրեց Մարկ Շապիրոն, մեզ հիմնականում հայտնի է, քանի որ այսօր ինտերնետի դար է, կարևորը անմիջական շփումն էր և առաջացած հարցերի ստացված պատասխանները։ Մանրամասները՝ քիչ անց տեսանյութում.
