A
A
Կապտավանք. թափված քարերով միջնադարյան եկեղեցի (լուսանկարներ)
Կապտավանք հասնելու համար պետք է երկար քայլել Տավուշի մարզի Չինչին գյուղի անտառով: Այս գողտրիկ եկեղեցին անտառի բացատում է: Կապտավանքը կառուցվել է 13-րդ դարում կոպտատաշ ֆելզիտից: Նախկինում Կապտավանքը վանական համալիր է եղել, բայց այժմ կանգուն է միայն եկեղեցին: Այն էլ անխնամ է, եկեղեցու կողքին ընկած են դրանից պոկված քարերը, քարերի արանքից առատ բուսականություն է աճում: Սակայն Կապտավանքի տարածքը մեր այցի ժամանակ մաքուր էր: Ենթադրվում է, որ հուշարձանի անունն առաջացել է կապտավուն քարերով կառուցված լինելու պատճառով: «Ա1+»-ի տեսախցիկն արձանագրել է միջնադարյան հուշարձանի ներկայիս վիճակը: