Մեկ տարուց ավել Ադրբեջանում պահվող հայ զինվոր Հակոբ Ինջիղուլյանը վերադարձել է հայրենիք (տեսանյութ)
Ադրբեջանական գերությունից երրորդ երկիր տեղափոխված Հակոբ Ինջիղուլյանը այսօր առավոտյան վերադարձավ հայրենիք: Զվարթնոց օդանավակայանից, Հակոբ Ինջիղուլյանին դիմավորում են հարազատները և մարդկանց հոծ բազմություն:
«Ես դեռևս 9 ամիս ունեմ ծառայելու և պատրաստվում եմ գնալ ծառայության»,- ասաց Ինջիղուլյանը, ևս մեկ անգամ հաստատելով, որ ինքը մոլորվելու հետևանքով էր հայտնվելգերության մեջ:
Ինջիղուլյանն ընդգծեց, որ Ադրբեջանում իր նկատմամբ բռնություններ են կիրառել: Նրան անընդհատ ծեծել են և հայհոյել: «Ասում էին, եթե մեր
ասածները չանես, էն չոբանի օրն ես ընկնելու: Սպառնում էին գնդակահարությամբ: Նաև հարցազրույցներն եմ տվել ադրբեջանցիների ճնշումների ներքո: Հարցազրույցից առաջ կանչում- ասում էին, թե ինչ պետք է ասեմ, իսկ եթե չանեմ իրենց ասածները, սպառնում էին սպանել:
Նաև Կարմիր խաչի հետ հանդիպումներից առաջ էին կանչում և ցուցումներ տալիս, կարդում էին ընտանիքիս գրած նամակները»,- ասաց նա:
Հայ գերուն Ադրբեջանում ստիպել են երրորդ երկիր գնալ, հակառակ դեպքում սպառնացել են սպանել: «Նրանք ստիպեցին ինձ երրորդ երկիր գնալ: Ասում էին եթե փախչելու փորձ անես կամ Հայաստան գնալու ցանկություն հայտնես, կգնդակահարենք: Դրա համար ես գնացի երրորդ երկիր և հետ եկա Հայաստան»,- ասաց նա:
Տեսանյութը Aysor.am
