A
A
Հակոբ Մկրտչյանը՝ պատանեկան խաղերի չեմպիոն
Հայաստանի պատանի ծանրորդ Հակոբ Մկրտչյանը ոսկե մեդալ նվաճեց այս օրերին Նանջինգում ընթացող պատանեկան ամառային օլիմպիական խաղերում: 77 կգ քաշային կարգի մրցումներում մեր 17-ամյա մարզիկը պոկում վարժությունում բարձրացրեց 142 կգ ծանրաձողը եւ գրավեց 1-ին տեղը: Հրում վարժությունում նա ցույց տվեց 177 կգ արդյունք եւ կրկին արժանացավ փոքր ոսկե մեդալի: Այդպիսով, Հակոբ Մկրտչյանը երկամարտի 319 կգ արդյունքով զբաղեցրեց առաջին հորիզոնականը եւ հռչակվեց պատանեկան օլիմպիական խաղերի չեմպիոն: Սա Հայաստանի երկրորդ մրցանակն էր այդ խաղերում։ Մինչ այդ արծաթե մեդալ էր նվաճել հրաձիգ Հրաչյա Բաբայանը։
