ՀՀ-ն չի բացառում, որ կմիանա Ռուսաստանյան սանկցիաներին (տեսանյութ)
Ռուսաստանն օրեցօր մեկուսացնում է իրեն աշխարհից՝ հակադարձ տնտեսական պատժամիջոցներով: Ի՞նչ է սպասվում Ռուսաստնաի հետ միևնույն տնտեսական գոտի մտնող Հայաստանին, արդյո՞ք մեկուսացման քաղաքականությունը կտարածվի նաև Մաքսային միության անդամ մյուս երկրների վրա: « Մաքսային միության գաղափարախոսական հենքը հենց աշխարհից մեկուսացումն է»,- կարծում է տնտեսագետ Հայկ Գևորգյանը և հավելում, որ Ռուսաստանն ամեն ինչ կանի, որպեսզի միության անդամ երկրները, այդ թվում նաև Հայաստանը հրաժարվեն Եվրոպական և Ամերիկյան ապրանքերից: Գյուղատնտեսության նախարարությունը նույնպես չի բացառում, որ Հայաստանը կհետևի Ռուսաստանի օրինակին և սանկցիաներ կսահմանի արտասահմանյան ապրանքների վրա: «Մեր պետության կողմից առայժմ նման սանկցիաներ չկան, հետագայում արդեն կյանքը և նոր պայմանները ցույց կտան»,- «Ա1+» -ի հետ զրույցում ասաց Գյուղատնտեսության նախարարի տեղակալ Ռոբերտ Մակարյանը։ Մանրամասները` տեսանյութում
