Մեր մասնակիցը՝ լավագույն ռմբարկու
Ռոտերդամում անցկացվող համաեվրոպական ուսանողական մարզական 2-րդ խաղերին Հայաստանի պետական տնտեսագիտական համալսարանի (ՀՊՏՀ) տղաների ֆուտզալի հավաքականը 24 թիմերի միջև պայքարում գրավեց 14-րդ տեղը։ Տնտեսագիտական համալսարանի թիմը 9-16-րդ տեղերի համար պայքարում չեխական Օստրավայի համալսարանի թիմին զիջել էր 6:8 հաշվով, ապա 13-16-րդ տեղերի համար պայքարում 13:6 հաշվով առավելության հասել Կիպրոսի տեխնոլոգիական համալսարանի նկատմամբ: Հուլիսի 29-ին մեր տղաները 13-14-րդ տեղերը վիճարկեցին գերմանական Մունստերի համալսարանի ընտրանու հետ՝ խաղն ավարտելով ոչ-ոքի՝ 10:10: Հաղթողը որոշվեց հետխաղյա տուգանային հարվածներով, որտեղ առավելության հասան գերմանացիները՝ գրավելով 13-րդ տեղը: Հայաստանյան թիմը ներկայացնող Նարեկ Մակարյանը ճանաչվեց ֆուտզալի առաջնության լավագույն ռմբարկու։ Հայաստանի պետական տնտեսագիտական համալսարանի տղաների ֆուտզալի հավաքականն առաջին անգամ էր մասնակցում նման մրցաշարի։ Անցկացրած 6 հանդիպումերում հայ ուսանողները գրանցեցին 2-ական հաղթանակ և ոչ-ոքի, նույնքան էլ՝ պարտություն կրեցին: ՀՊՏՀ թիմն այսօր վերադառնալու է Հայաստան։ Հայաստանի ուսանողական մարզական ֆեդերացիա
