Ռուսաստանը «Յուկոս»-ին պարտվել է 50 մլրդ դոլար
Ռուսական «Կոմերսանտ»-ին հայտնի է դարձել, որ Ռուսաստանը պարտվել է «Յուկոս» նավթային ընկերությանը՝ գրեթե 10 տարի ձգվող դատական գործընթացում։ Հաագայի դատարանը որոշել է, որ ՌԴ-ն «Յուկոս»-ին պետք է վճարի 50 մլրդ դոլար, որովհետեւ խախտել է Էներգետիկ խարտիան, եւ փաստացի օտարել «Յուկոսը»։ Նավթային ընկերության ունեցվածքի մեծ մասը, այդ թվում՝ Մոսկվայի գրասենյակը (լուսանկարում) անցել էր պետական «Ռոսնեֆթ»-ին, ինչը, ըստ Հաագայի դատարանի, բռնագրավում է։
«Յուկոս»-ի նախկին բաժնետերերը, որոնց թվում է նաեւ Միխայիլ Խադարկովսկին, պահանջել է 114 մլրդ դոլար, բայց դատարանը կորուստը գնահատել է 50 մլրդ։
«Կոմերսանտ»-ի աղբյուրները Հաագայի դատարանի որոշումը համարում են քաղաքական եւ կարծում, որ ՌԴ-ն կփորձի կասեցնել այն։
Ի դեպ, բացի այդ գումարից, ՌԴ-ն եւս 65 մլն դոլար պարտավոր է վճարել դատական ծախսերի համար։
Գումարը պետք է վճարվի մինչեւ հունվար։
Ավելին՝ սկզբնաղբյուր կայքում։
