Հայ կոմունիստները պահանջում են Ուկրաինայի նախագահից (տեսանյութ)
Աջակցիր «Ա1+»-ինՀայ կոմունիստները Ուկրաինայի նախագահից պահանջում են անհապաղ դադարեցնել ճնշումները Ուկրաինայի Կոմունիստական կուսակցության նկատմամբ. «Հակառակ դեպքում նա վերջնականապես կնույնանա ֆաշիստ –ազգայնականների հետ եւ դա նրա քաղաքական կարճատեւ կարիերայի մայրամուտին կհանգեցնի»,- այսօր նման հայտարարություն հնչեցրին Հայաստանի կոմունիստական եւ Հայաստանի Միացյալ առաջադիմական կոմունիստական կուսակցությունները: «Պետական հեղաշրջման արդյունքում իշխանության եկած Կիեւյան խունտան արդեն քանի ամիս է ճնշումներ է գործադրում Ուկրաինայի կոմկուսի՝ երկրի այն միակ քաղաքական ուժի նկատմամբ, որը բացահայտ կերպով դատապարտել է Արեւելքում իրականացված ռազմական պաատժիչ գործողությունը, որի զոհն են դարձել Դոնեցկի եւ Լուգանսկի մարզերի հարյուրավոր խաղաղ բնակիչներ»,- նշված է հայտարարության մեջ: ՀԿԿ առաջին քարտուղար Տաճատ Սարգսյանը միաժամանակ հայտարարեց, Ուկրաինայի Կոմունիստական կուսակցության արգելումը հանցագործություն է առանց վաղեմության ժամկետի: