5000 թուրք ցույց է անում Հայոց ցեղասպանության Հուշահամալիրի մոտ
Հունիսի 1-ին կեսօրից հետո Նիդերլանդների Ալմերո քաղաքի նորակառույց 1915-ի Հայոց ցեղասպանության զոհերի հիշատակի 99-ամյակին նվիրված Հուշահամալիրի մոտ շուրջ 5000 թուրք հավաքվել էին ի նշան բողոքի: Տեղի ոստիկանության տվյալներով թուրք ցուցարարների թիվը եղել է 3000: Ակցիային մասնակցելու համար, տասնյակ ավտոբուսներով ամբողջ երկրի տարածքից թուրքերը ժամանել էին Ալմերո քաղաք: Ակցիա նպատակներից է՝ ճնշում գործադրել քաղաքական գործիչների վրա, եւ պնդել, որ ապրիլին բացված Հայոց ցեղասպանության հուշահամալիրը իշխանությունները հեռացնեն: Ակցիայի մասնակիցները նաեւ ժխտում են, որ նախորդ դարասկզբին թուրքերը իրականացրել են ցեղասպանություն հայ ժողովրդի հանդեպ: Նիդերլանդների Ալմերո քաղաքում բնակվում է վեց հազար հայ: Տեղի հայ համայնքը Ֆեյսբուքյան էջ է բացել եւ հորդորում են տարածել այն https://www.facebook.com/armeensegenocide Հայերը պնդում են, որ Հոլանդիայի իշխանությունները հետագայում թույլ չտան, արգելեն այսպիս ցույցերը: Տեսանյութ http://www.rtvoost.nl/nieuws/default.aspx?nid=191024&cat=1#prettyPhoto[pp191024]/0/ http://www.rtvoost.nl/tv/uitzending.aspx?uid=327251