A
A
Թամար Պողոսյանը լրագրողներին ներս չթողեց
Երևանի Ավագանու Մշակույթի եւ երիտասարդության հարցերի հանձնաժողովի նիստից առաջ, որտեղ պետք է քննարկվեր Անաստաս Միկոյանի հուշարձանի տեղադրման հարցը, լրագրողներն անակնկալի եկան. հայտնեցին, որ նիստին նպատակահարմար չէ լրագրողների մասնակցությունը: Երևանի ավագանու անդամներ Անահիտ Բախշյանը և Ստյոպա Սաֆարյանն ամեն կերպ փորձում էին Երևանի քաղաքապետարանի տեղեկատվության և հասարակայնության հետ կապերի վարչության պետ Արթուր Գևորգյանից պարզաբանումներ ստանալ, թե որ օրենքն է սահմանում լրագրողների ներկայության նպատակահարմարությունը, սակայն Արթուր Գևորգյանը պատասխանեց, որ հանձնաժողովի նախագահ Թամար Պողոսյանն է այդպես ցանկացել: Իսկ Թամար Պողոսյանը ավելի ուշ լրագրողներին հայտնեց, որ նիստից հետո թարմ ինֆորմացիա կտա նրանց, և հորդորեց սպասել մեկ ժամ:
