Ոտքը մեխած կալանավորը հրաժարվում է բուժօգնությունից

Ապրիլի 29-ին «Վանաձոր» ՔԿՀ-ում ոտքի միջմատնային մաշկը մեխած 39-ամյա կալանավոր Արթուր Սմբատյանը հրաժարվում է բժշկական օգնությունից։ Այս մասին «Ա1+»-ին հայտնեց ԱԻՆ քրեակատարողական վարչության հանրային կապերի բաժնի ղեկավար Գոռ Ղլեչյանը։

Նրա խոսքերով՝ դատապարտյալը չի թողնում, որպեսզի բժիշկները մշակեն վերքը։

Միաժամանակ հանրային կապերի բաժնի ղեկավարը ավելացրեց, որ Արթուր Սմբատյանը անօրինական պահանջներ է ներկայացնում՝ օրինակ ցանկանում է տեղափոխվել այլ ՔԿՀ։

Նրա հետ այս պահին բացատրական աշխատանքներ են տարվում՝ Վանաձորի բժշկական կենտրոն տեղափոխելու համար։