A
A
Ազատամարտիկները սպառնում են փակել Աբովյան փողոցը (տեսանյութ)
Այս պահին մի քանի տասնյակ ազատամարտիկներ գտնվում են Հանրապետության հրապարակում՝ Հայաստանի պատմության թանգարանի դիմաց։ Նրանք նշում են, որ 4 ամիս է՝ դիմում են տարբեր սրահներ իրենց ժողովներն անցկացնելու նպատակով, սակայն տարբեր պատճառաբանություններով ազատամարտիկներին մերժել են։ Ըստ ազատամարտիկների՝ իրենց թույլ չեն տալիս ժողովներ անցկացնել նախագահականի հրամանով։ Ազատամարտիկները պատրաստվում են մտնել Առնո Բաբաջանյանի անվան համերգասրահ և այնտեղ անցկացնել իրենց ժողովը։ Իրենց պահանջը չիրականացնելու դեպքում ազատամարտիկները սպառնում են փակել Աբովյան փողոցը։ «Մեզ եթե էլի թույլ չտան, մենք հենց փողոցում էլ մեր ժողովը կանցկացնենք», - «Ա1+»-ին ասաց ազատամարտիկ Սուրեն Սարգսյանը։