Արտակարգ իրավիճակներ հանրապետությունում. լուսանկարներ
Ապրիլի 20-ին, ժամը 22.32-ին ահազանգ է ստացվել, որ Երևանի Կասյան փողոցի թիվ 7 շենքի բակում գտնվող տան պատը փլուզվել է:
Դեպքի վայր է մեկնել մեկ մարտական հաշվարկ և ՃԿԿ օպերատիվ խումբը:
Պարզվել է, որ փլուզվել է Բաղրամյան պողոտայի 4-րդ նրբանցքի թիվ 15 երկհարկանի վթարային շինության 2-րդ հարկի արտաքին պատը` մոտ 2 խմ, 2րդ հարկի սենյակներից մեկի առաստաղին և պատերին առաջացել են տարբեր չափի ճաքեր (1-3 սմ):
Հրշեջ-փրկարարները սահմանազատել են վտանգավոր տարածքը:
Ապրիլի 20-21-ը ՀՀ ԱԻՆ Ճգնաժամային կառավարման կենտրոնում ահազանգեր են ստացվել հանրապետության տարբեր հատվածների խոտածածկ տարածքներում բռնկված հրդեհների վերաբերյալ:
Մասնավորապես` Լոռու մարզի Վանաձոր քաղաքում այրվել է 3տ անասնակեր,Կոտայքի մարզի Հրազդան քաղաքում՝ 300 քմ, Տավուշի մարզի Դիլիջան քաղաքում՝ 500 քմ, Վայոց ձորի մարզի Ազատեկ գյուղում` 2.5 հա, Գեղարքունիքի մարզի Սևանա լճի մոտակայքում՝ 400 խոտածածկ տարածք:
Բոլոր հրդեհները մեկուսացվել են ու մարվել:
ԱԻՆ
