ՋԱՐԴ ԿՐԱՍՆՈԱՐՄԵՅՍԿՈՒՄ
Աջակցիր «Ա1+»-ինԱյսօր վաղ առավոտից ռուսաստանյան լրատվամիջոցները հաղորդում են, որ Կրասնոարմեյսկում բնակվող հայերի վրա տեղի ունեցած հարձակման արդյունքում ծանր մարմնական վնասվածք է ստացել 12 հոգի:
Ուշ գիշերով մի խումբ տեղաբնակներ ներխուժել են հայերի տներ՝ փնտրելով ոմն Սայանի: Սակայն, չգտնելով վերջինիս իրենց "բարկությունը" մեղմ ասած ՝ թափել են տվյալ շենքում բնակվող այլ հայերի վրա:
Իսկ Մեդիամաքսի հաղորդմամբ Ռուսաստանի Հայերի Միությունը պնդում է, որ «կիրակի օրը մերձմոսկովյան Կրասնոարմեյսկ քաղաքում տեղի ունեցած հակահայկական ջարդի արդյունքում տուժել են 15 հոգի, այդ թվում՝ կանայք եւ երեխաներ: Իսկ «ջարդին» մասնակցել է մոտ 45 հոգի»:
Այս պահի դրությամբ հայտնի է, որ հայերին ծեծի ենթարկած անձիք ձերբակալված են: Հարուցվել է քրեական գործ: