«Էս ժողովուրդը ոտքի չի կանգնի, պրծավ...» (տեսանյութ)
«Մեր Եվրամայդանը Բագրատաշենն է ու «Զվարթնոց» օդանավակայանը»,-ասում է քաղաքական եւ ընտրական տեխնոլոգիաների մասնագետ Արմեն Բադալյանը։ Նա անհեթեթ է համարում այն պնդումը, թե հայերը չեն պայքարում Սերժ Սարգսյանի իշխանության դեմ։ «Լավ էլ պայքարում են, ուղղակի պայքարում են արտագաղթելով»,-ասում է նա։ Արմեն Բադալյանը տեղեկացնում է, որ անցյալ տարի Երեւանում փակվել է մոտ 1000 խանութ, երկրից մեկ տարում հեռացել է ավելի քան 200 հազար մարդ, իսկ 930 գյուղից 300-ում ապրում է միջինը 50 մարդ։ «Սերժ Սարգսյանի մամուլի քարտուղարը երեք օր առաջ խաբում է, թե իր ղեկավարը Կորեա բուժման չի գնացել։ Հիմա էլ ասում ա, թե գնացել ա։ Վախենու՞մ եք ճիշտն ասել, ինչի՞ եք խաբում, թե նախագահը հիվանդ չէ։ Վախենում եք, որ ժողովուրդը ոտքի կկանգնի, Բաղրամյան 26-ը կտապալի՞։ Մոռացեք, էս ժողովուրդը ոտքի չի կանգնի։ Պրծավ։ Ինքը կարող է միայն արտագաղթել»,-ավելացնում է քաղտեխնոլոգը։
