ՈՐՊԵՍԶԻ ԶԱՐԳԱՆԱՆ ԻՐԱՆԻ ՀԵՏ ՄԻՋԵԿԵՂԵՑԱԿԱՆ ՀԱՐԱԲԵՐՈՒԹՅՈՒՆՆԵՐԸ
Աջակցիր «Ա1+»-ին
Երեկ Իրանի Իսլամական Հանրապետության դեսպանության մշակութային կենտրոնի տնօրեն Տիար Ռեզա Աթուֆիի հրավերով եւ Ամենայն Հայոց Կաթողիկոս Ն.Ս.Օ.Տ.Տ. ԳԱՐԵԳԻՆ Բ Վեհափառ Հայրապետի օրհնությամբ Միջեկեղեցական հարաբերությունների պատասխանատու Գերաշնորհ Տ. Եզնիկ եպիսկոպոս Պետրոսյանն այցելեց Իրանի դեսպանատան մշակութային կենտրոն, ուր հանդիպում ունեցավ Տիար Ռեզա Աթուֆիի հետ:
Հանդիպման նպատակը Հայ Առաքելական Եկեղեցու եւ Իրանի Իսլամական Հանրապետության միջեւ միջկրոնական երկխոսություններ սկսելն էր: Որոշվեց, որ առաջիկայում Մայր Աթոռ Ս. Էջմիածնում անցկացվի Միջկրոնական սիմպոզիում «Կրոնը եւ բանականությունը ներկայիս փոփոխվող աշխարհում» թեմայով: Այն կկրի շարունակական բնույթ:
Երկխոսությունները պետք է տեղի ունենան թե' Հայաստանում եւ թե' Իրանում:
Առաջիկայում նախատեսվում է եւս մեկ հանդիպում, որից հետո կսկսվեն նախապատրաստական աշխատանքները: